Fundjava rezulton e ngarkuar në pikën e kalimit kufitar të Morinit në Kukës, ku edhe këtë të diel, prej mëngjesit është regjistruar fluks kalimi të automjeteve. Duket se me qindra kosovarë kanë zgjedhur ta kalojnë fundjavën në brigjet e Shqipërisë, ndërsa moti ka dhënë shenjat e para të pranverës me rritjen e temperaturave.
Burime nga Morini thonë se që prej mëngjesit kanë kaluar kufirin drejt Shqipërisë të paktën 1 mijë shtetas të Kosovës. Të njëjtat burime thanë për median se dogana po punon me kapacitet të plotë, me 5 sportele në dispozicion të qytetarëve.
Ndërkaq, në një bilanc provizor policia Kufitare thotë se vetëm gjatë fundjavës kanë hyrë nga Kosova për në Shqipëri mbi 7.000 shtetas. /tesheshi.com/
