Gjatë paradites së sotme ka pasur një fluks të lartë të lëvizjeve në pikat e kalimit kufitar, ndërsa sipas policisë kanë hyrë dhe kanë dalë 100 mijë shtetas dhe 30 mijë automjete.
Burimet policore bëjnë të ditur se fluksi më i lartë i lëvizjeve është shënuar në pikën e kalimit nëMuriqan, Morinë dhe Kakavijë.
Për të përballuar fluksin e lartë, janë shtuar sportele në maksimum në hyrje dhe dalje të cilat punojnë me “Proçedurë të përshpejtuar ” si dhe gjithashtu është bashkëpunuar me policitë homologe respektive të cilat kanë marrë masa duke shtuar edhe ato sportele.
“Në aspektin e rendit dhe sigurisë në plazhe dhe në zonat turistike, situata është normale, ku nuk janë evidentuar prishje/cënime të rendit publik.
Fluksi i mjeteve në akset rrugore të qarqeve Vlorë, Durrës, Fier, Shkodër, Tiranë, është mbi normalen por i rrjedhshëm, pa bllokime. Fluks të lartë ka edhe në akset rrugore të qarkut Lezhë, por pa bllokime”, thuhet në një njoftim të policisë. /tesheshi.com/
