Kreu i Rendit, Saimir Tahiri, tha se shteti shqiptar është i përgatitur për një fluks të mundshëm emigrantësh nga Shqipëria drejt Italisë. Sipas tij, Shqipëria po koordinohet me partnerët europianë për këtë çështje dhe se nuk ka vend për panik.
“Asnjë vend në botë nuk ia del dot i vetëm kësaj krize humanitare. Kështu që duhet bashkëpunim. Nuk ka vend për alarm, ne jemi të përgatitur dhe po koordinohemi me partnerët, sepse mendojmë se një problem europian duhet zgjidhur bashkarisht”, tha ministri i Brendshëm.
Ai shtoi gjithashtu se nuk ekziston asnjë mundësi e kthimit të trafikut të qënieve njerëzore duke u shfrytëzuar rasti i këtij fluksi refugjatësh, siç kanë aluduar dhe disa media italiane. /tesheshi.com/
