Flota ruse e Detit të Zi ka filluar të gjurmojë lëvizjet e USS Porter, i cili hyri në Detin e Zi të dielën, tha Ministria Ruse e Mbrojtjes.
“Forcat e Flotës së Detit të Zi kanë filluar monitorimin e ‘USS Porter”, i cili hyri në Detin e Zi në orën 19:45 me të Moskës”, thuhet në deklaratë.
Agjensia Ruse kujton se Flota e Gjashtë e Shteteve të Bashkuara të Amerikës njoftoi më herët të dielën se “USS Porter” po përparon drejt Detit të Zi.
Shkatërruesi do të marrë pjesë në stërvitjen ushtarake “Flladet e Detit – 2020”, e cila do të mbledhë njësi nga nëntë vende.
Rreth 2,000 ushtarë, 27 anije dhe 19 aeroplanë pritet të marrin pjesë në stërvitjen, e cila do të fillojë të hënën dhe do të zgjasë deri më 26 korrik.
Përveç forcave amerikane, njësi nga Ukraina, Bullgaria, Gjeorgjia, Spanja, Norvegjia, Rumania, Turqia dhe Franca do të marrin pjesë në këtë stërvitje. /tesheshi.com/
