Një person është rrëzuar nga një valë e madhe e ardhur nga uragani Irma, ndërsa përpiqej të afrohej për të parë për së afërmi detin e trazuar.
Një xhirim i kapur nga një kamera në Florida Keys, tregon njeriun teksa filmon valët gjatë përplasjses së tyre në breg.
Ai po qëndronte në një parvaz, kur një valë masive e godet dhe e hedh nga vendi ku qëndron, duke e përplasur për tokë.
Telefoni i tij fluturon nga dora e tij dhe ai laget i tëri, para se të ngrihet në këmbë dhe largohet nga vendi.
Incidenti tronditës ka ndodhur në pistën e Southernmost Point, një atraksion turistik që shënon pikën më jugore në SHBA-në kontinentale, pasi njerëzve iu tha që të qëndronin larg nga deti.
Florida po përgatitet për stuhinë më katastrofike që ka goditur ndonjëherë shtetin, me erërat shkatërruese dhe një rritje të stuhisë që pritet që të përmbysë lagje të tëra.
Stuhia përbindësh është kthyer në veri drejt SHBA-ve, ndërkohë që banorët e Floridës po bëjnë përgatitjet e tyre përfundimtare për evakuimin më të madh në historinë e vendit.
Afërsisht shtatë milionë njerëz janë urdhëruar të evakuohen përpara se stuhia e kategorisë tre të godasë vendin të nesërmen në mëngjes.
Dhjetra streha janë mbushur plot ose kishin plotësuar kapacitetet, duke refuzuar njerëz tjerë dhe duke hapur streha të reja, pasi “Irma” pritet të forcohet mbi ujërat relativisht të ngrohtë dhe të bëhet përsëri stuhi e kategorisë së katërt. /tesheshi.com/
https://youtu.be/ZhQKsnGcRl0
