Shteti Federal i Shteteve të Floridës po pret ardhjen e uraganit të fuqishëm “Irma”, i cili aktualisht po shkatërron bregun e Kubës.
Autoritetet kanë urdhëruar evakuuimin e gjashtë milionë banorëve, por pasi që jo të gjithë janë në gjendje të largohen nga zona, është rekomundaruar që pjesa e mbetur të fshihen nëpër strehimore.
Pas ishujve të Karaibeve dhe Kubës, ku stuhia Irma shkaktoi erëra prej 200 km/h, banorët e Floridës janë në panik, dhe të frikësuar po presin goditjen e një stuhie të fuqishme e cila pritet të godasë zonën e Floridës në mëngjes ose rreth mesditës të së dielës, sipas kohës evropiane.
Megjithatë, është shpjeguar në detaje se çfarë është në të vërtetë uragani “Irma”. “Irma” karakterizohet si një stuhi që është e rrezikshme për jetën e popullsisë, por nuk është një valë uji apo cunami, por janë erëra të forta që bartin ujin me vete. Goditjet e stuhive do të vijnë jo vetëm nga oqeanet, por edhe nga toka dhe ajri.
“Irma” deri në kohën e mbërritjes në Florida, pritet që të arrijë kategorinë e katërt për nga forca dhe rrezikshmëria.
Zyrtarët lokalë këshilluan që popullata të evakuohet urgjentisht dhe të mos rrezikojnë, sepse nuk do të ndihmohen më vonë. Në qytet janë siguruar një numër i madh strehimoresh, ndërkohë që tash e një kohë, është e pamundur të blesh një bilete aeroplani për evakuim.
“Irma” ka marrë 14 jetë në ishujt e Karaibeve, kurse bregdeti i Kubës është pothuajse i shkatërruar.
Megjithatë, kjo nuk është e gjitha, Karaibet e tanishme po i kërcënon një stuhi të re, “Jose”, e cila aktualisht shkakton erëra të forta deri në 150 km/h. /tesheshi.com/
