Presidenti i Real Madrid, Florentino Perez, ka analizuar situatën nëpër të cilën po kalon klubi madrilen në intervistën e fundvitit në mediumin spanjoll Cadana Ser. Ai i mbylli derën Jose Mourinhos dhe Zinedine Zidanes për momentin, pasi klubi ka besim të plotë tek trajneri aktual Rafael Benitez.
Krizë që nga fitimi i kupës së botës për klube
“Që nga janari i këtij viti kemi pësuar një krizë shumë të madhe. Kishim nevojë për një impuls të ri. Atletico Madrid na eliminoi nga Kupa, Schalke desh na eliminoi nga Champions dhe kishim nevojë për një motiv shtesë, një motiv të ri, të cilin e kërkuam nga Benitez, me gjithë respektin për Ancelottin”.
Mardhëniet e Benitezit me futbollistët
“Kam folur me të gjithë futbollistët dhe të gjithë janë të kënaqur me të, të paktën nuk më kanë thënë ndonjë fjalë për të”.
Mourinho?
“Të ardhmes asnjëherë nuk i dihet, mirëpo për momentin ne i besojmë Benitezit. Me Mourinhon kemi kujtime të mira, na riktheu në nivelin kompetitiv në Europë”.
Zidane?
“Në të ardhmen mund të jetë një trajner i suksesshëm i Real Madridit, mirëpo për momentin ne nuk e kemi paraparë një gjë të tillë. Vetëm i besojmë Benitezit”./tesheshi.com/
