Me shkarkimin e Rafael Benitez, nga posti i kryetrajnerit dhe emërimin e Zinedine Zidane-s, në vend të tij, tashmë Florentino Perez, ka një formacion me trajnerë të shkarkuar. Gjatë mandatit të tij dymbëdhjetë vjeçar, presidenti i klubit madrilien ka shkarkuar mbi 10 trajnerë, nga të cilët vetëm tre prej tyre kanë qëndruar më shumë se një sezon.
Vicente del Bosque dhe Carlo Ancelotti, ishin të vetmit trajnerë që kishin qëndruar më gjatë se një vit dhe kishin fituar Ligën e Kampionëve, si gjithnjë objektivi më i rëndësishëm i mbretërve.
Mirëpo, në sezonet vijuese, dy teknikët humbën kreditet për të qëndruar edhe më tej në karrigen e nxehtë, të postit të trajnerit të Real Madrid-it.
Carlos Queiroz, ishte pasues i spanjollit del Bosque, mirëpo që nuk arriti të qëndrojë në krye të stolit madrilien më shumë se deri në muajin maj. Pas tij vijnë, Camacho, Maria Garcia Remon, Luxemburgo, Lopez Caro, Pellegrini, Mourinho, Ancelotti, e së fundmni Benitez.
Tani radha është e Zidane-s, që ka vendosur të matë pulsin e Florentino-s, i cili duket se nuk duron shumë trajnerët të cilët i sjell vetë në Bernabeu./tesheshi.com/
