Më shumë se 70 civilë palestinezë u vranë në sulmet ajrore izraelite gjatë natës dhe herët në mëngjes duke synuar zona të shumta në të gjithë Rripin e Gazës, ndërsa Izraeli vazhdoi bombardimin e zonës që nga mëngjesi i së martës, duke rifilluar luftën e tij gjenocidale dhe duke shkelur marrëveshjen e armëpushimit.
Burimet lokale dhe mjekësore kanë konfirmuar se më shumë se 70 civilë janë vrarë deri më tani dhe numri i të vdekurve pritet të rritet pasi shumë mbeten të bllokuar nën rrënoja.
Khalil Al-Daqran, zëdhënës i Ministrisë së Shëndetësisë në Rripin e Gazës, i tha Al Jazeera Arabic se të paktën 710 njerëz janë vrarë dhe 900 palestinezë janë plagosur në sulmet izraelite në Rripin e Gazës që nga e marta.
Shumë nga të plagosurit në masakrën izraelite vdiqën për shkak të pamundësisë për të ofruar kujdes mjekësor urgjent për shkak të mungesës së pajisjeve bazë dhe ilaçeve, shtoi ai.
Rreth 70 për qind e të plagosurve janë fëmijë dhe gra, dhe shumica e lëndimeve të tyre janë të rënda, tha Al-Daqran.
Rrjeti Palestinez Quds publikoi një foto të fletëpalosjeve të hedhura nga avionët izraelitë në Rripin e Gazës.
Në fillim të fletëpalosjes citohen ajete nga sureja El-Bekare, të veçuar cinikisht:
“Ne do t’ju sprovojmë me frikë, me uri, me humbje të pasurisë, jetëve dhe të korrave, por përgëzoji durimtarët… Ata që kur i godet ndonjë fatkeqësi thonë: ‘Të Allahut jemi dhe tek Ai do të kthehemi’, të tillët janë në rrugën e drejtë.”
Vargjet e cituara pasohen nga një paralajmërim dhe një thirrje për t’u larguar nga Gaza.
“Pas ngjarjeve të fundit, armëpushimit dhe përpara zbatimit të planit të Trump që do të detyrojë zhvendosjen tuaj të detyruar, dëshironi apo jo, ne kemi vendosur t’u bëjmë një thirrje përfundimtare atyre që duan të marrin ndihmë në këmbim të bashkëpunimit me ne. Rishikoni zgjedhjet tuaja, sepse harta e botës nuk do të ndryshojë nëse njerëzit e Gazës zhduken.
Shikoni çfarë mund t’ju ofrojë Irani – ai nuk mund të mbrojë as veten, e lëre më ju. Amerika dhe Evropa nuk kujdesen për ju. Edhe vendet tuaja arabe, që tani janë aleatët tanë, na furnizojnë vazhdimisht me para, naftë dhe armë, ndërsa ju dërgojnë vetëm thasë. Loja ka mbaruar, ka mbetur edhe pak. Kushdo që dëshiron të shpëtohet para se të jetë vonë, ne jemi këtu për të qëndruar deri në Ditën e Gjykimit”. /tesheshi.com/
