Një ditë pas ndodhive të tmerrshme në Kuvendin e Maqedonisë, lideri i LSDM-së, Zoran Zaev në një konferencë për media ka deklaruar se ata kanë bërë një hap të madh drejtë demokracisë dhe në periudhën e ardhshme do të pasojë formimi i Qeverisë së re, të cilën e presin të gjithë përfshirë edhe BE-në.
Po ashtu Zaev akuzoi elitën politike të VMRO-së si fajtorë për skenarin e mbrëmshëm.
“Dhuna që ndodhi dje nuk është vlerë demokratike. Dhuna mbi gazetarët është e iniciuar nga Nikolla Gruevski, Ivanov, Vlenaovski,Çavkov dhe bashkëpunëtorë të tyre, të cilët i prek ajo që po vjen, drejtësia. Ato që ndodhën mbrëmë janë rezultat i mbetjeve të regjimit që po shërbehet. Ngjarjet e djeshme ishin test për vendin dhe për gjithë qytetarët”, tha Zaev.
Sulmet e protestuesve ndaj deputetëve, Zoran Zaev i quajti tentim për vrasje me plan dhe e menduar mirë.
“Sjellja e tyre, mënyra direkte ku janë individët që ka qenë fokusi i tyre. Kjo dje ishte tentim për vrasje”, tha Zaev.
Në vazhdim Zaev kërkoi nga qytetarët që mos të bien pre e provokimeve që kanë për qëllim ndarjen e Maqedonisë.
“Ju bëj thirrje të qëndroni të qetë. Në rrugën e drejt jemi. Në zgjedhje shumica jemi përcaktuar për zgjedhje. Është bërë hapi i parë, është e rëndë për shkak se kemi punë me njerëz të pamatur, por jemi bashkë të gjithë, qytetarët BE, SHBA, NATO, të gjithë, tek ne e shohim motorin e stabilitetit e vendit dhe rajonit”, shtoi Zaev.
Ndërsa sa i përket ftesës së presidentit Gjorge Ivanov për takim liderësh, Zaev tha se as që mendojnë të shkojnë te një njeri i cili cilësohet si një nga fajtorët e skenarit të mbrëmshëm.
“As që mendojmë. Ivanov thash është një nga fajtorët që ka ndodhur dje aj. Ai është pjesë e krizës dhe jo pjesë e zgjidhjes së saj. Thamë që do të ketë kryetar të ri të Kuvendit, ka, do të ketë edhe Qeveri të re”, tha Zaev.
Zoran Zaev gjatë konferencës për shtyp foli edhe për rolin e policisë, në veçanti për rolin e Mitko Çavkovit. Ai ka thënë se pret që ai të jep dorëheqje sa më shpejtë.
“Pres që menjëherë dorëheqje nga Mitko Cavkov dhe të ik sa më larg, Turp”, përfundoi Zaev./tesheshi.com/
