Prokurori i Prokurorisë Speciale, Abdurrahim Islami, i cili ngriti aktakuzë për terrorizëm ndaj gjashtë aktivistëve të Lëvizjes Vetëvendosje, është shprehur i kënaqur me vendimin e Gjykatës Themelore në Prishtinë për dënimin e katër prej aktivistëve me 21 vjet burgim.
Islami ka thënë se ka qenë i bindur në fajësinë e të akuzuarve.
“Nga fillimi në bazë të provave që i kemi paraqitur dhe të cilat janë administruar në gjykatë, kemi qenë të bindur në fajësinë e të akuzuarve”, ka thënë Islami për Kallxo.com.
Trupi gjykues i Gjykatës Themelore në Prishtinë i drejtuar nga gjykatësi Beqir Kalludra, shpalli fajtorë vetëvendosësit dhe i dënoi me një total prej 21 vjetësh e 6 muajsh burg.
Nga ana tjetër, si të dënuarit e si familjarë apo të përkrahur të tyre, sigurisht dhe mbrojtja, pretendojnë se nuk ka patur asnjë provë për dënimin e tyre, aq më tepër me 21 vite burg. Për ta, ky është një dënim politik dhe pikë. /tesheshi.com/
