Kreu i Inspektoriatit të Lartë të Drejtësisë Artur Metani, foli për herë rë parë në publik, ku, për çështjen më delikate, atë të të qënit vëlla i ish-ministres socialiste Englantina Gjermeni, tha se do jetë koha ajo që do provojë – nënkuptuar – ndërshmërinë e tij në detyrë.
“Koha është treguesi më i mirë për gjithçka dhe gjyqtari më i mirë për të gjithë ne”, tha Metani.
Ai tha se një barrë e madhe e pret në këtë detyrë.
“ILD do i kalojë një numër i madh ankesash rreth 900 të cilat janë dorëzuar gjatë periudhes tranzitore 2017- 2020 pranë KLGj ose Prokurorisë së Përgjithshme.
Na pret një volum i madh pune”, tha Metani para gazetarëve.
Ndër dosjet e para, ai tha se do shqyrtohen ato që kanë të bëjne më lirimin e emrave të bujshëm të krimit.
“Më shqeteson fakti që është një fenomen. Ka disa gjykata ku ka ndodhur. Inspektimi i parë do të jetë tematik për të evidentuar ku po ndodh ky fenomen dhe më pas do të bëjë publik rastet”, tha njeriu i caktuar “roje” i sistemit të drejtësisë. /tesheshi.com/
