Ndërmarrja Publike Banesore (NPB) në Prishtinë për vite të tëra si shumë ndërmarrje të tjera u kap nga nepotizimi, duke u bërë çerdhe e rehatimit të militantëve partiak.
Mos faturimi i lokaleve, dhënia e lokaleve qera mbi qera, mostransparenca, pirja e duhanit brenda objektit, mungesa e disiplinës, mos resketpim i orarit të punës, për disa vite ishin vetëm disa nga problemet me të cilat u ballafaqua kjo ndërmarrje.
Por, menaxhmeti i ri i cili erdhi në krye të kësaj ndërmarrje nga muaji prill i vitit 2015-të, Kryeshefi ekzekutiv i NPB-së, Nexhat Kryeziu, thotë se arriti ta shpëtoi nga “vdekjes klinike”, pasi pohon se ia doli të eleminojë pothuajse të gjitha parregullësitë që ia la menaxhmenti i kaluar….
Intervistoi: Blendi Gashi
Në fillim të vitit 2015-të jeni emëruar në postin e kryeshefit ekzekutiv të Ndërmarrjes Publik Banesore (NPB). Keni hedhur akuza të mëdha ndaj ish menaxhmetit për keqmenaxhim. Si e keni gjetur ndërmarrjen? Me ç’sfida jeni ballafaquar?
Ndërmarrja Publike Banesore (NPB) në fillim të vitit 2015-të ka qenë pothuajse në “vdekje klinike”, përsa i përket nivelit të inkasimit të të hyrave, i cili ka qenë shumë i ulët, pasuri komerciale të uzurpuara dhe të pa-faturuara dhe jashtë menaxhimit të ndërmarrjes.
Struktura e ndërmarrjes ka qenë në kundërhstim me ligjin për ndërmarrjet publike, respektivisht parimeve të qeverisjes koroporative dhe shumë lëndë në procese gjyqësore.
Sekretari i bordit korporativ ka ushtruar detyrën edhe të menaxherit të administratës që pozicionet në fjalë në kundërshtim me njëra-tjetrën dhe në kundërshtim me princimet e qeverisjes korporative..
NPB në atë kohë ka funskionuar me 20 për qind të kapaciteteve dhe nuk ka pasur gatishmëri që të çohet përpara funskioni i ndërmarrjes, sipas termave të referencave dhe ligjit dhe funksionit publik të ndërmarrjes.
Menaxhmet i ri është përballur me sfidat si; mos faturim të lokaleve, dhënia e lokaleve qira mbi qira, konflikte të shumta të interesit brenda stafit të ndërmarrjes, mostransparencë, nepotizëm, pirja e duhanit brenda objektit (shkelja e ligjit anti-duhan), mungesa e disiplinës, mos resketpim i orarit të punës nga punëtorët etj.
Një vit e më shumë pas udhëheqjes së NPB-së, sa keni arritur të mënjanoni defektet e paraqitura? Ç’rezultate keni arritur deri më tani?
Pas angazhimit të menaxhmentit të ri, mentaliteti i vjetër është eleminuar dhe tashmë transparenca është maksimale për dallim nga e kaluara.
Nga muaji prill i vitit 2015, ka filluar transformimi i përgjithshëm i ndërmarrjes, për çka performanca e NPB-së ka treguar përmirësim të vazhdueshëm me vitet paraprake.
Janë ndërmarrë hapa konkret siç janë: menaxhimi i pronës duke filluar lirimin e saj nga uzurpatorët, është bërë miratimi i rregullores për lëshim me qira të pasurive komerciale (të parës në histori të NPB-së), dhe krimi i web-faqes, gjëra këto që i kanë kontribuar transparences, menjanimit të konfliktit të grupeve të interesit brenda dhe jashtë ndërmarrjes, menjanimi i fenomenit qira mbi qira, është bërë faturimi i të gjitha pasurive komerciale të lëshuara me qira.
Poashtu, është e rëndësishme të thuhet se ka pasur ulje të dukshme të shpenzimeve operative krahasuar me vitet paraprake.
Në kohën që e keni marrë drejtimin e Ndërmarrjes Banesore, keni thënë se do ta ktheni në shërbim të qytetarëve, pasi keni akuzuar ish menaxhmentin për keqpërdorime të shumta. Sa keni arritur vërtet ta bëni një gjë të tillë?
Çdo qytetar që hynë në objektin e ndërmarrjes mund të vëren dallim shumë të madh me të kaluarën, duke filluar nga recepsioni e deri te shërbimet.
Ndërmarrja Publike Banesore i është kthyer qytetarëve, dhe trajtimi i qiramarrësve është i njëjtë, dhe jo si në të kaluarën ku janë trajtuar në forma të ndryshme.
Sa të hyra ka arritur NPB gjatë vitit 2015-të, cila është diferenca me vitin 2014-të kur ndërmarrja ka pas menaxhment tjetër?
Të hyrat e përgjithshme janë rritë në vitin 2015-të për 28.65 për qind, ndërsa shpenzimet operative janë zvoglëuar për 11.38 për qind në krahasim me vitin 2014-të.
Ky ekonomizim i ka mundësuar ndërmarrjes që të arrinë rezultat pozitiv financiar me një fitim neto para tatimit në shumën prej 251.463.00 euro.
Fitimi operativ para zhvlerësimit në vitin 2015-të është rritë për 95.88 për qind në krahasim me vitin paraprak.
Keni pohuar se NPB disponon shumë lokale dhe tokë por është zhdukur dokumentacioni nga ish menaxhmenti. A keni arritur ta gjeni dokumentacionin?
Ndërmarrja është duke punuar në këtë drejtim dhe unë si kryeshef e kam konsoliduar divizonin e pronës dhe është duke u punuar në këtë drejtim.
Për momentin është duke u punuar për pronat përballë Ministrisë së Punëve të Brendshme. Nga zyra e Kadastrit e komunës së Prishtinës janë marrë shënimet dhe pritet një veprim i dytë në muajin shtator për këtë zonë.
Sa lokale të shfrytëzuesve që nuk kanë kontrata dhe nuk i kanë paguar borxhet ndaj ndërmarrjes suaj janë mbyllur në vitin 2015-të?
Përafërsisht janë mbyllur 20 lokale të shfrytëzuesve më 2015 që nuk e kanë njohur ndërmarrjen. Por, pas një kohe shumica prej tyre i kanë paguar borxhet, kanë hyrë në marrëveshje me ndërmarrjen.
Ata tani mund të thuhet se janë paguesit më të rregullt nga të gjithë shfrytëzuesit e lokaleve me qera.
Cili është prioriteti juaj deri në fund të këtij vitit?
Konsolidimi i mirëmbajtjes është një prej prioriteteve kryesore. Pra, qytetarit të Prishtinës t’i sigurohet një mirëmbajtje publike, pasi dihet se kryeqyteti vuan më së shumti për një gjë të tillë.
NPB synon ta rikthej namin që e kishte dikur dhe të bëhet administrator i ndërtesave, në mënyrë që qytetarët ta kenë pastërtinë e nevojshme dhe të gjjitha shërbimet që lidhen me mirëmbajtjen e tyre.
NPB me shërbimet e saj cilësore do të konkuron dhe beson fuqishëm se do të arrijë beismin e qytetarëve të Prishtinës për mirëmbajtje, por janë këshillat e banorëve që në fund vendosin se kujt t’ia besojnë mirëmbajtjen e banesave të tyre.
Deri më tani NPB shërbime të mirëmbajtjes ofron në qytezën Pejton dhe në lagjen Bregu i Diellit. Interesimi është i madh nga qytetarët pasi siç duket janë ngopur me shërbime jo cilësore të kompanive private.
Qëllimi i ndërmarrjes nuk është fitimi, por të krijojë shërbim sa më cilësorë për qytetarët.
Për fund, a kanë paraqitur ndonjë ankesë qytetarët që nga koha që keni marrë udhëheqjen e NPB-së?
Ndërmarrja ka kutinë e ankesave ku qytetarët mund t’i paraqesin shqetësimet e tyre, por një gjë të tillë mund ta bëjnë edhe përmes webfaqes.
Që nga koha e marrjes në drejtim të ndërmarrjes, kam marrë vetëm dy letra.
Njëra letër ka qenë lavadatë, ku qytetari ka uruar për punën e mirë që po bëhet në ndërmarrje, kurse letra tjetër ka qenë një ankesë që ka të bëj me vonesën e lëshimit të një dokumenti.
