Pas një heshtjeje të lexuar si tronditje nga rezultati zgjedhor, LSI ka reaguar më së fundi, jo më me anë të Metës, por të Petrit Vasilit, kryetarit de jure. Me nje gjuhë të ashpër, kjo forcë pothuajse i ka ndyrë zgjedhjet, duke i etiketuar ato si të zhvilluara nën terror.
Dhe sipas Vasilit, kjo ka ndodhur prej bandave nacionalsocialiste (pra, naziste), duke iu referuar PS-së. Vasili tha se posedohen me mijra dokumenta që provojnë terrorin ditën e zgjedhjeve, por në fund, edhe pse nuk e artikuloi për asnjë çast, kreu i LSI-së dha të kuptuar se i njeh zgjedhjet. Kjo, pas përbetimit se do jenë një opozitë e fortë përballë PS-së.
I pyetur nëse Meta në pozitën e Presidentit do i dekretonte ato, meqë posedohen mijra dokumente e prova filmike, Vasili tha se për këtë mund të pyetet vetë Meta kur të hyjë në Presidencë më 24 korrik.
Pra, nga kjo kuptohet se kreu de fakto i LSI-së, i angazhuar fuqishëm në fushatë si i tillë, edhe pse me mandat presidencial, në fund nuk do e lëshojë kreun e shtetit. /tesheshi.com/
