Kryetari i Partisë Demokratike,Lulzim Basha nuk pranuar të largohet nga drejtimi i PD-së. Në një konferencë për shtyp, Basha tha se do të ngrij funksionet organizative të partisë dhe do ua delegojë kompetencat kryetarëve dhe sekretarit të përgjithshëm për të organizuar garën brenda partisë.
I nxirë në fytyrë, Basha nuk ka pranuar humbjen por ka fajësuar qeverinë, bashkë me të dhe LSI-në, se kanë marrë votat duke blerë masivisht me paratë e krimit dhe korrupsionit.
Ndërsa votat e PD-së i ka cilësuar si “heroike” të atyre që refuzuan që të bliheshin e të shiteshin.
Deklarata e plotë:
“Nuk mund ta nis këtë komunikim ndryshe përveç se me falenderim nga zemra për qindra mijëra qytetarë që vlerësuan projektin tim për ekonomi të fortë dhe të sigurt. jam mirënjohës mijëra demokratëve, që me dinjitet dhe kurajë heroike. Projekti im lindi nga qytetarët. Jam bërë me ta dhe kam biseduar me ditë të vështira të braktisur paturpësisht nga qeveria.
Të gjithë ata që u bënë pjesë dhe bashkë nisën një rrugëtim kërkuan shpresë dhe gjetën shpresë tek PD dhe projekti ynë. Kjo nuk mjaftoi. Në zgjedhjet e 25 qershorit, diçka tjetër ndodhi. Me gjithë përpjekjen që unë dhe PD bëmë me ligjin e dekriminalizimit, me betejën për drogën, me imponimin që bëmë duke marrë gjysmën e qeverisë, me ndërgjegjësimin e partnerëve ndërkombëtarë, sërish krimi dhe paraja e pisët dhe presioni i pushtetit nuk u ndal. Blerja e votës u bë masivisht duke zëvendësuar edhe një herë debatin për alternativën me shukun e parave.
Unë nuk do ta lejoj, qoftë edhe vetëm për këtë ia vlen të luftosh. Kam reflektuar thellë. Unë marrë të gjitha përgjegjësitë për rezultatin. Tani demokratët meritojnë një bilanc të plotë me ballafaqim të hapur dhe të vërtetë. Mes atyre që luftuan me mish dhe me shpirt dhe atyre që u ngritën kundër sapo humbën kolltuqet.
Me efekt të menjëhershëm ka vendosur të ngrij të gjitha funksionet e mia organizative si kryetar i Partisë Demokratike dhe t’ua delegoj dy nënkryetarëve dhe sekretarëve të përgjithshëm për të organizuar garën për kryetar të PD-së sipas parimit një anëtar një votë.
Gjëja më e lehtë për mua është të dorëhiqem, por e di se çfarë ka ndodhur, jo duke ikur, jo duke braktisur demokratët, por duke luftuar deri në fund me ta”. /tesheshi.com/
