Kanë kaluar tre orë nga fillimi i mbledhjes së Kryesisë së Vetëvendosje ku po diskutohet për çarjet e fundit në këtë parti, ndërsa sipas të gjitha gjasave ajo do të zgjasë edhe disa orë tjera.
Të paktën kështu thotë deputetja Shqipe Pantina, ku sipas saj mbledhja po shkon mirë, ndërsa ka mohuar mundësinë e ndarjes së partisë.
“Atmosfera është shumë e mirë brenda”, ka thënë Pantina shkurt, shkruajnë mediat kosovare.
E pyetur nëse pritet ndarje në Lëvizjen Vetëvendosje, ajo ka mohuar një gjë të tillë.
“Jo more çfarë se kemi njet mu nda”, ka thënë ajo.
Pantina ka treguar se mbledhja do të vazhdojë edhe për disa orë. /tesheshi.com/
