Ish-sekretari i Vetëvendosje-s, tashmë deputet, Dardan Molliqaj është deklaruar për herë të parë përplasjet e fundit në këtë parti, konkretisht për mospajtimet me themeluesin e Albin Kurtin.
Molliqaj ka thënë se problemet kanë nisur të ndodhin qysh në tetor të vitit 2016-të, kur Kurti u ka shprehur shqetësimin disa aktivistëve se kinse ai ka pretendime se do të bëhem kryetar i Lëvizjes.
“Unë kam dyshime të qëllimeve tua”, më tha Albini, ndërsa ja ktheva: “Unë jam brengosur për me mi kontestu qëllimet dhe bindjet e mia”.
Ai ka thënë se Kurtin e njeh që nga viti 2015, dhe se është rritur me politikën e tij dhe ka mësuar shumë gjëra, megjithatë thotë se nuk ka asnjë problem me të.
“Unë nuk besoj se z.Kurti ka problem personal dhe të njejtën kohë nuk kam as unë problem personal. Jam rritur me politikën e z.Kurti, kam mësuar shumë nga ai. Unë nuk besojë që është çështje fajësisë, nuk e them Kurti se është fajtor, vetëm duhet t’i kthehemi në dallimet politike”, tha ai.
Ai më pas tregoi mospajtimet që ka me Kurtin.
“Dallimi mes meje dhe Kurtit është se çfarë lloj organizate duam në të ardhmen, dhe dallimi jonë është sipas meje është që unë besojë se VV nuk mundet me qenë e njëjta VV kur ndërrojmë me famë. Dallimi se me rritjen e VV-së, me bërjen e VV forcë politikë kjo bëhet në dy momente kryesore, kur VV mundet me tregu se mundet me bashkëpunu me parti tjera, bashkëpunimi opozitar me AAK-në e Nisma-n. Kur kam dal nga burgu kam diskutu e z.Kurti kam thënë se VV duhet me ec tutje, tashmë me kalu me bë një transformim sepse tashmë je bërë faktor politik në skenën politike”, ka thënë Molliqaj në një intervistë për “Klan Kosova”.
Kurti “pro” koalicionit me PDK-në
Ish-sekretari Molliqaj ka shpjeguar se një prej mospajtimeve më të mëdha me Kurtin është se ai ka lënë të hapur mundësin për koalicion me PDK-në e Kadri Veselit, çka ai e ka kundërshtuar.
“Sqarim tjetër thelbësor ishte edhe raporti i koalicionit me PDK-në. Unë asnjëherë sa të jem në politik nuk jam gati të bëjë koalicion me PDK-në para se kjo partie me shku në opozitë. Kam pas një takim pas VLAN-it, 2015 me z.Kurtin, i cili ka thënë se duhet të diskutojmë që të hyjmë në koalicion me PDK-në sepse ndërkombëtarët kanë thënë se të njëjtit do të jenë gjithmonë në pushtet. Por nëse dalim në zgjedhje të parët që me PDK-në mos të hyjmë. Zotëri Kurti ka thënë se duhet ta lëmë të hapur. Kur të dalim ne të parët do të shohim se kush prej subjekteve do të na pranojë. Por unë kam thënë se duhet të vijmë vi të kuqe”, tha Molliqaj.
Mospajtim tjetër Molliqaj tha se ka me Kurtin edhe sa i përket zhvillimit të partisë.
“Kurti ka pretenduar që partia të kthehet tek ‘rrënjet’. Unë shoh që një nevojë për një siguri absolute tek rrënjët që do t’i ofronte shumë siguri, unë mendojë që duhet ecur përpara. Unë kam qenë pjesë e VV-së prej qershorit 2005, unë besojë se VV nuk ishte krijuar ndryshe. Unë e kam pa që kjo është tendenca e tij sepse ajo i ka jep siguri. Unë mendojë se VV na ka kalu të gjithë neve, sepse unë besojë atë që ia kam thënë UÇK-së. VV si lëvizje politike është e qytetarit të saj. Kthimi tek rrënjet është rigresion, besojë që është problematike. Dallim i jonë është poashtu edhe çështja e metodës së ndërtimit të organizatës por edhe e komunikimit. Unë besoj se struktura e partisë, ajo duhet të punojë me njerëz që kanë gatishmëri e dije dhe kjo ka ndiku që VV të dalë e suksesshme”, tha Molliqaj. /tesheshi.com/
