Zgjidhja erdhi nga Europa, por u imponua nga Amerika. Kështu mund të përkufizohet me një fjali ajo që ndodhi në politikën shqiptare, pasi një paketë marrëveshje që u soll në Tiranë më 25 Prill nga Kryetari i Komisionit të Jashtëm të Parlamentit Europina, David McAllister, do të pranohej më në fund nga dy palët pas ndërhyrjes së zyrtarit amerikan Hoyt Brian Yee.
Njeriu, emrin e të cilit mori kjo paketë, McAllister reagoi sot pas arritjes së një marrëveshje në Shqipëri. Ai tha se është i gëzuar.
“Jam i gëzuar, që përpjekjet për ndërmjetësim të Bashkimit Europian dhe Shteteve të Bashkuara, për t’i dhënë fund krizës politike në Shqipëri, më në fund rezultuan të suksesshme. Mesazhi kryesor është se zgjidhjet e qëndrueshme mund të arrihen kur qeveria dhe opozita kërkojnë dhe udhëheqin dialogun e drejtpërdrejtë me njëri-tjetrin”, shkruan McAllister./tesheshi.com
