I dërguari i Bashkimit Europian për nëgociatat në Shqipëri, eurodeputeti gjerman, Knut Fleckenstein, ka mbyllur takimet e tij me Ilir Metën, Lulzim Bashën dhe Edi Ramën.
Ai deklaroi se tashmë shikon një rreze shprese për të aritur konsensus dhe ka mirëpritur përfshirjen e Ilir Metës në negociata.
Fleckenstein tha se e enjtja është dita vendimtare.
“Po vjen ora e së vërtetës dhe ne duam të shohim se kush është pro dhe kush është kundër reformës në drejtësi”, tha ai.
Eurodeputeti shtoi se drafti që ndodhet në tryezë, e që në seancën e së enjtes do të hidhet për votim, është i pranuar nga Bashkimi Europian dhe Shtetet e Bashkuara, ndaj pret që Kuvendi ta votojë atë.
“Shpresojmë në një votë pro reformës dhe do të donim që liderët të gjenin një kompromis, qoftë edhe të minutës së fundit”, tha Fleckenstein duke sqaruar se mbështet përpjekjet e kryeparlamentarit Meta për konsensus.
Si zgjidhje të fundit, Flekcenstein propozon që për fatin e kësaj reforme të vendosin qytetarët.
“Nëse politikanët nuk bien dakrod, atëherë le të shkohet në referendum”, tha ai
/tesheshi.com/
