Presidenti Meta zhvilloi një takim pune me Raportuesin e Parlamentit Evropian për Shqipërinë, Knut Fleckenstein, i cili shoqërohej nga ambasadorja e BE-së në Tiranë, Romana Vlahutin.
Mësohet se në qendër të takimit ka qenë reforma në drejtësi, përshpejtimi dhe zbatimi i saj. Gjithashtu është theksuar krijimi sa më shpejt i institucioneve të reja të drejtësisë dhe ecuria e vettingut.
“Avancimi i reformave gjithpërfshirëse dhe me konsensus sa më të gjerë mes pozitës dhe opozitës, me qëllim integrimin e Shqipërisë në Bashkimin Europian dhe krijimi i një klime politike mirëbesimi dhe bashkëveprimi të ngushtë është shumë i rëndësishëm në këtë proçes”, është shprehur Presidenti Meta gjatë takimit. /tesheshi.com/
