Pamjet e mediave sociale tregojnë trupat ukrainase duke mbërritur në qendër të Khersonit, ndërsa disa u panë disa metra larg Sheshit të Lirisë, ku ata ngritën flamurin e vendit të tyre. Ushtarët priten me entuziazëm nga turma.
https://twitter.com/i/status/1591094132927524865
Banorët e një fshati afër Khersonit ndanë përvojat e tmerrshme që kanë jetuar gjatë pushtimit rus dhe sulmet e tyre të shpeshta me raketa, raporton The Guardian.
Nikolai Bohun tregoi me gisht vendin në fushën e tij ku ishte një traktor me të cilin punonte tokën. Si traktori ashtu edhe goma fluturuan nga rruga në një fushë kur një raketë ruse S-300 ra mbi një ndërtesë bujqësore aty pranë muajin e kaluar. Sulmi ndodhi në 3 orë e 15 minuta pas mesnate.
“Është një mrekulli që jam gjallë,” tha Bohun.
Prokurorët vendas thanë këtë javë se gjetën më shumë trupa civilësh të vrarë nga ushtria ruse. I njëjti model i mjerueshëm i parë në zona të tjera të pushtuara, duke përfshirë periferinë e Kievit, Bucha. Të paktën pesë persona u ekzekutuan në fshatin Arkhangelske në rajonin Kherson, thanë vendasit. Njëri ishte një burrë i dehur, i cili shpërfilli urdhrat për të ndaluar.
Të tjerët – dy çifte të martuara – u vranë pasi panë ushtarë rusë duke plaçkitur shtëpi private. Lena Služinskaja tha se më 23 gusht kanë vrarë vëllain e saj Kolja dhe gruan e tij Tanja. “Kolja i ka parë duke hedhur rroba nga ballkoni fqinj. Ata hynë në shtëpinë e tij gjatë natës dhe e vranë”, tha ajo, duke qëndruar me pensionistët e tjerë në sheshin kryesor të fshatit.
Lubov Kravchenko i krahasoi sulmuesit me zombitë. “Ata thanë se erdhën për të na çliruar dhe se ne jemi amerikanë dhe banderas”, tha ajo, duke iu referuar liderit militant nacionalist ukrainas Stepan Bandera.
“Ata vodhën gjithçka. Veshje për femra, televizorë dhe pajisje për fëmijë. Ata i futën në automjetet e tyre të blinduara”, shtoi ajo.
Kravchenko tha se fshati i saj kishte përjetuar 10 rotacione brutale ushtarake. Çdo njësi e re ruse do të grabiste të gjitha gjërat e mbetura dhe do t’i merrte ato. “Kur mbërritën djemtë tanë ukrainas, unë qava. Ishte një moment i bukur. Njerëzit nuk dilnin nga shtëpitë kur erdhën pushtuesit se kishim të afërm dhe lopë. Ne jemi të gjithë për Ukrainën”, tha ajo.
Pasi u kthye në rrugën e tij pranë shkollës, Nikolaj Bohun tha se nuk kishte ndërmend të shkonte askund. Ai kaloi muaj duke ndryshuar flamujt nën të cilët jetonte.
“Unë jam 77 vjeç. Varrezat janë ngjitur me kopshtin tim, kur të vijë koha do të zhvendosem atje”.
Kujtojmë se Kherson u ankeksua së fundi, me referendum, si qytet i territorit rus. Por kjo është në letër, në vendimet e Moskës. Në realitet është sërish i ukrainasve. /tesheshi.com/
