Një zjarr i madh që ka kapluan qytetin japonez Okinava ka shkatërruar plotësisht një nga objektet më të njohura të Trashëgimisë Botërore, Kështjellën Shuri.
Zjarrfikësit, të cilët ende po luftojnë me zjarrin, konfirmojnë se nga objekti i vjetër mbi 500-vjeçar nuk ka mbetur pothuajse asgjë. Në rrezik nga zjarri ishin edhe banorët, të cilët u evakuuan nga rrethina.
Autoritetet thonë se zjarri kishte ndodhur brenda ndërtesës, dhe se asnjë i dyshuar ende nuk është konfirmuar.
Tempulli i lashtë është një simbol i trashëgimisë kulturore nga koha e Mbretërisë Ryukyu që zgjati rreth 450 vjet, nga 1429 deri në vitin 1879 kur ishulli u aneksua nga Japonia.
Kështjellaështë gjithashtu një simbol i luftës dhe përpjekjes së Okinava për t’u ringjallur nga Lufta e Dytë Botërore. Kalaja Shuri u dogj në vitin 1945 gjatë betejës së fundit të luftës, ku rreth 200,000 jetë u shuan në këtë ishull, shumë prej tyre civilë.
Ajo u restaurua në vitin 1992 si një park kombëtar dhe u caktua si vend i Trashëgimisë Botërore të UNESCO-s në vitin 2000. Okinava ishte nën okupimin e SHBA-ve deri në vitin 1972, dy dekada pasi pjesa tjetër e Japonisë mori pavarësinë e plotë. /tesheshi.com/
