Fjalimin e tij javor kryeministri Rama ia kushtoi buxhetit të 2017-ës, që përbën dhe çështjen në të nxehtë të politikës kur afrohet çdo fundvit. Sipas shefit të qeverisë, buxheti me të cilin Shqipëria do hyjë në vitin e ri i përgjigjet më së shumti nevojave të shtresave në nevojë.
“Buxheti i miratuar këtë javë është një arritje shumë e rëndësishme. Një ndër treguesit kuptimplotë të kësaj arritje është spostimi i 100 mln dollarëve nga arka e shtetit në arkën e familjeve të punonjësve të këtij shteti dhe të pensionistëve”, tha Rama, sipas së cilit kjo do të përbëjë dhe rritjen më të lartë e rrogave dhe e pensioneve në një buxhet të vetëm përgjatë të gjithë harkut të këtyre 25 viteve.
“Në vitin 2017 ne do të zgjerojmë listën e ilaçeve të rimbursueshme edhe për njerëzit e pasiguruar deri tani, nga pamundësia apo varfëria, nuk do t’i shpenzojnë më këto para për ilaçe”, tha kryeministri.
Më tej, Rama ëshët treguar entuziast dhe sa i përket treguesve ekonomike, ku siç tha, “sot kemi një ekonomi që të këtë vit do të rritet mes 3.3 dhe 3.5 % dhe do të vazhdojë të rritet”.
Ndërkohë, Rama veçoi faktin se në tre vjet janë shlyer 720 milionë dollarë borxhe të fshehura, gjë që përbën dhe kartën kryesore justifikuese të tij mbi mungesën e theksuar në investimet publike. /tesheshi.com/
