Nga Blendi Gashi
Hashim Thaçi, dhjetë muaj pas emërimit në postin e presidentit është rikthyer në Kuvend, këtë herë për të rapotuar për punën e tij. Për dallim nga dita kur u zgjodh, ku salla plenare ishte “arenë lufte” pas kundështimeve të fuqishme të opozitës për zgjedhjen e tij, sot kreu i shtetit pa u penguar iu adresua ligjvënësve, konkretisht atyre të mazhorancës, pasi opozitarët dhe deputetët e Listës Serbe e bojkotuan atë.
Ndonëse cilësohet si jo unifikues, Thaçi me të marrë fjalën tha se është president i të gjithëve dhe garantues i mbrojtjes se ligjeve dhe Kushtetutës.
Pikat kryesore të fjalimit të tij ishin drejtësia (sa për një moment u mendua se po flet si kryeministër apo ministër i drejtësisë), mosvotimi i Demarkacionit dhe mos themelimit i “Zajdenicës”, Gjykata Speciale dhe muri ilegal në veri si dhe përkujtimi që u ka bërë serbëve të vrarë.
Thaçi edhe si president godet opozitën
Thaçi si dikur në rolin e kryeministrit që hedhte akuza të mëdha ndaj opozitës një gjë të tillë e bëri edhe sot si president.
Duke folur për sfidat që e presin vendin, Thaçi fajësoi në mënyrë direkte partitë opozitare për mos themelimin e Asociacionit të Komunave me shumicë serbe si dhe për mos ratifikimin e marrëveshjes për Demarkacionin me Malin e Zi.
Ai përsëriti qëndrimine tashmë të njohur të tij se marrëveshja për Demarkacionin është e drejtë (nuk mund të thotë ndryshe pasi e ka nënshkruar personalisht), duke thënë se kundërshtimet për këtë çështje janë bërë për interese të caktuara dhe nuk kanë të bëjnë për një kauzë kombëtare.
Ai tha se shteti duhet të qëndroj para zotimeve ndërkombëtare që ka marrë dhe duhet të ratifikoi Demarkacionin dhe të themeloi Asociacionin.
Ja pse u themeluaa Specialja…
Presidenti në adresimin e tij foli ca fjalë edhe për Gjykatën Speciale, për çka mohoi që ajo të jetë themeluar si pasojë e politikës së gabuar.
Por, ka theksuar se kjo ka ndodhur për faktin që nuk janë mbrojtur dëshmitarët ose janë vrarë.
“Është folur shumë për Gjykatën Speciale. Nuk dua të shikohet si ndëshkim. Gjykata erdhi si pasojë e vrasjes e mos mbrojtjes së dëshmitarëve dhe jo e politikës së gabuar”, deklaroi presidenti.
“Muri do të rrëzohet”
Presindeti para ligjvënësve foli edhe për murin në veri të ndërtuar nga serbët që vazhdon të qëndroj në këmbë përkundër se qeveria premtoi se brenda pak ditësh do rrëzohet.
“Muri nuk do të qëndrojë aty e askund tjetër. Muri nuk do të diskutohet, nuk do të shkurtohet por do të hiqet nga baza”, premtoi Thaçi.
Ja pse bëra homazhe tek lapidarët e serbëve…
I kritikuar tej mase për homazhet që ka kryer tek varrezat dhe lapidarët e serbëve të vrarë gjatë luftës së fundit në Kosovë, Thaçi u arsyetua derisa nuk la pa sulmuar kritikuesit.
Ai tha se i kujton dhe përkulet para secilit civilë të vrarë dhe atyre që u masakruan në Kosovë, të cilësdo etni, duke thënë se krimi është krim, kundër kujtdoqoftë që është bërë.
“E dija se ka ende njerëz të lënduar dhe urrjetje nacionale. Por të ngrihemi mbi urrejtjen dhe jo tolerancën. Dikush thoshte është herët të bëhen vizita të tilla, unë konsideroja se jemi vonë.
Çuditërisht sulmet bëheshin dhe u ngritën disa pyetje legjitime pse po nderoja serbët kur ata na kanë vrarë. U tha se po cenoheshin vlerat e luftës së Kosoves, dhe po thyhej lufta e shenjtë e UÇK-së.
Më i mençuri ishte reagimi i shqiptareëe dhe serbëve që ishte “duam të vërtetën”. Të skaritifikojmë të gjithë për të vërtetën dhe e e vërteta nuk duhet ta frikësoj askund.
E dija çfarë shkruhej në pllkakat përkujtimore të serbëve. Nuk pajtohem me tekstin sepse është gënjeshtër, pork jo nuk duhet të na pengoj të nderojmë viktimat.
Me vizita nuk cenojmë luftën e UÇK-së dhe vlerat e lirisë sonë. Ato i cenojnë mu ata që kanë bërë këto veprime”, u arsyetua Thaçi.
Ja sukseset …
Duke folur për sukseset e tij gjatë këtyre dhjetë muajve ai tha se ka ndërmarrë veprime siç është ndryshimin i kodit penal që askush të abuzoj me drejtësinë dhe ligjin në Kosovë.
Përmendi poashtu takimet e Këshillit anti-korrupsion, ku tha se lufta kundë korrupsioni dhe krimit është një prioritet i lartë që duhet zgjidhur dhe se “para ligjit të gjithë jemi të barabartë”
Pastaj si sukses përmendi veprimin e ndërmarrë për ndryshimin e reformës elektorale.
“Ekipi im ka kryer punën e vet dhe mbetet në vullnetin e deputetëve qe propozimet qe kanë rrjedhe me përfaqësuesit e partive të shndërrohen në vendime të Kuvendit”, ka shtuar Thaçi.
Si sukses e renditi edhe vizitën qëka bërë në pikat kufitare në Jarinjë ku tha se “puna e policisë dhe Doganës më bindi që sovraniteti shtetëror nuk mund të cenohet nga askush”.
Preisdneti Thaçi në fjalimin e tij foli edhe për disa vizita që ka pasur jashtë vendit, ku përmendi edhe atë në Vatikan me ç’rast tha se Ati i Shenjtë do ta viziztoj Kosoven në një kohë të përshtatshme.
Në fund të fjalimit Thaçi ashtu siç pritej u duartrokit nga deputetët dhe kabineti qeveritar derisa i përshëndeti dorë më dorë, kryekuvendarin, kryrmeinistrin e disa prej ministrave. /tesheshi.com/
