Prsidenti Thaçi në fjalimin vjetor i është adresuar vetëm 1/3 të deputetëve, apo 40 prej tyre pasi është bojkotuar nga partitë opozitare LDK e Vetëvendosje si dhe nga Lista Serbe, por edhe nga zv.kryeministri Fatmir Limaj.
Përkundër kësaj Thaçi ka raportuar me ç’rast ka folur të arriturat dhe sfidat që e presin vendin.
Ai ka thënë se ndër prioritet kryesore është dhe mbetet vazhdimi i punës për themelimin e Forcave të Armatosura të Kosovës.
“Tani jemi pothuajse në fazën përfundimtare të përpjekjeve tona për të siguruar përkrahjen që procesi i themelimit të FAK-ut të bëhet nëpërmjet ndryshimeve kushtetuese. Këtë jemi duke e bërë dhe do ta bëjmë në koordinim të plotë me NATO-n dhe partnerët tjerë strategjikë. Unë sot ju siguroj se Kosova gjatë vitit 2018 do të ketë kapacitet e veta mbrojtëse, pra një ushtri moderne që do t’i kontribuojë paqes dhe stabilitetit në rajon dhe kudo në botë”, u shpreh Thaçi por pa mundur të jap një datë se kur do të ndodh kjo.
Ai poashtu ka dhënë një porosi për deputet që të mos e mbajnë peng vendin, konkretisht për ata të AAK-së e NISMA-s që të japin votën “pro” Demrakacionit.
“Në këtë aspekt, ne nuk mundemi që në vazhdimësi të drejtojmë gishtin nga BE-ja, NATO-ja apo bashkësia ndërkombëtare duke kërkuar që t’i mbajmë ata fajtorë të vetëm për ngecjet tona.Ne duhet t’i pranojmë gabimet dhe t’i përmirësojmë ato sa më shpejt që mundemi, sepse vetëm kështu mund ta zëmë hapin me shtetet fqinjë në procesin e integrimeve euroatlantike.Prandaj, duhet ta ratifikojmë pa humbur kohë marrëveshjen për shënimin e vijës kufitare me Malin e Zi.Ratifikimi i kësaj marrëveshje i jep fund izolimit të padrejtë të qytetarëve të Republikës së Kosovës”, tha ai. /tesheshi.com/
