Me një pamje aspak të lumtur, i pushtuar nga makthi i asaj që po ndodh jo vetëm në Shqipëri por në tërë globin, kryeministri Rama doli para publikut për të prezantuar një plan ekonimik në kushtet e një lufte atipike, si kjo me koronavirusin, e cila, siç e përshkroi ai, po gjynjëzon dhe më të fuqishmit e botës.
“Fjalët e sheqerosura janë një tradhti. Shikoni cfarë po ndodh në vendet shumë më të zhvilluara nga Shqipëria, po e paguajnë iluzionin se kjo është një ëndërr që do të mbarojë. Një armik i rënë mbi kokat e tyre u ka zhvlerësuar trilionat e bombave dhe armatimeve në depo, pa shtretër, maska dhe aparatura, e deri pa numër mjekësh të specializuar kundër asfiksimit të qenies njerëzore. Si Shqipëria si Amerika gjenden në të njëjtën anije në det të hapur dhe kanë një armë të vetme: rezistencën e popullit të tyre, një armë që ka një fishek – unitetin dhe një objektiv atë që ke në shtëpi, punë e rrugë që duhet ta mbash më larg.
Si ushtria amerikane si ajo shqiptare kanë të njëjtën forcë goditëse: zero!
Asnjë aleancë mes shteteve nuk ekziston dhe nuk duket, secili në vete dhe Zoti mbi të gjithë. Ndajeni mendjen, ose luftojmë bashkë, ose të gjith ëbashkë si popull do të biem në humerë, si në Bergamo nuk do të ketë më kush të na varrosë, jo më kush të na qajë”, ishin fjalët dëshpëruese të të parit të qeverisë, që sërish e tha se nuk do donte të ishte ai në krye të vendit në “këto të mallkuar”.
Dhe para se të prezantojë 7 pika të një plani ekonomik, Rama përçoi mesazhin se shqiptarët duhet të përgatiten të sakrifikojnë, sigurisht, edhe ekonomikisht.
“Mos prisni nga unë që të mos ua përsëris pa pushim; luftrat nuk vijnë për të mos na dëmtuar apo për ta bërë detin kos. Bashkë me rrezikun sjellin edhe rrezikun e vdekjes ekonomike.
Kjo luftë është e para në histori që e kthen një popull të mbyllur brenda mureve të shtetit të tij dhe e bën shtëpinë e përbashkët. Kjo do të thotë sesa do të kërkoni dhe unë t’u plotësoj, në këtë shtëpinë tonë të përbashkët në lagjen me të varfër të Europës, qeveria do të bëjë gjithçka mundet, por cdo anëtar i familjes sonë duhet të ndërgjegjësohet, se gjithçkaja nuk mund të përfshijë shumëçka në kohën e paqes.
Qeveria mbledh edhe administron të ardhurat nga puna e secilit prej nesh. Rriten të ardhurat, ka më shumë për shtëpinë, bien të ardhurt ka më pak. Shteti mbahet me taksa, jo me frymën e shenjtë.
Në këtë luftë të ardhurat e shtetit do të bien në një pikiatë po aq të hatashme dhe më dëgjoni. Nuk dimë dot se në cfarë pike do të na bien të ardhurat”, qartësoi Rama, i cili shpalli:
- Së pari 2.5 mld lekë për Ministrinë e Shëndetësisë për luftën në vijën e zjarrit për pajisje dhe mbështetje për personelin
- 10 mld lekë për garanci sovrane për kompanitë që kanë vështirësi për pagat
- 6.5 mld lekë për nevojat imediate për shtresat në nevojë për biznesin dhe papunësinë
- 2 mld lekë për mbrojtjen për operacionet humanitare
- 1 mld lekë për qeverinë për cdo urgjencë
- Do të fshijmë përgjithmonë kamat-vonesat për energjinë me efekt 15 mld lekë do të përfitojnë 211024 abonentë
- Do të riskedulojmë tatim fitimin për të gjithë biznesin nga 2-14 mln lekë. /tesheshi.com/
https://www.facebook.com/edirama.al/videos/877269359379516/?t=2
