Presidenti francez, Emmanuel Macron propozoi një ndryshim radikal të qeverisë së vendit, në një fjalim të mbajtur në pallatin historik të Versajës. Ai tha se planifikon të shkurtojë edhe numrin e ligjvënësve me një të tretën e tyre.
“Duke e bërë këtë lëvizje, do të prodhojmë një qeveri më efikase dhe do ta vendosin Francën në një rrugë radikalisht të re”, tha Macron.
Presidenti francez thotë se ai ka një mandate të gjerë pasi mori fitoren në zgjedhjet presidenciale dhe ato parlamentare. Nëse ndryshimet e propozuara prej tij nuk do të kalojnë në parlament brenda vitit, ai tha se do të ndërmarrë hapin e vendimit përmes referendumit.
Në fjalimin prej 90 minutash, lideri 39-vjeçar u zotua të rikthejë dinjitetin kolektiv për Francën. “Në të kaluarën, procedurat kanë pasur përparësi mbi rezultatet, rregullat mbi nismën, duke vendosur shportën publike mbi ndershmërinë”, tha ai.
Propozimet do të reduktonin numrin e anëtarëve të Asamblesë Kombëtare nga 577 në 385 dhe në Senat nga 348 deputetë në 232 të tillë. /tesheshi.com/
