Anëtari i Kryesisë së PD-së, njëherësh ish-rival i Bashës për kreun e PD-së, Fatbardh Kadilli, nuk është ndjerë hiç mirë që kryedemokrati u largua nga Kuvendi Kombëtar para kohe, pa pritur që të mbaronin fjalimet të gjithë drejtuesit politikë të qarqeve.
“Kryetari Basha iku. Shpresoj të mos ketë pasur nevojë për gjumë, po të reflektojë. Herët a vonë, të gjithë do ballafaqohemi me të shkuarën, me çdo gjë të keqe që kemi prodhuar ne vetë. Një opozitë e korruptuar është tradhtar i qytetarët. Qytetarët duan një PD të hapur, ku të kenë shpresë. Hapja është gatishmëri për të jetuar bashkë edhe kur kemi ide konkurruese”, tha Kadilli.
“Mos ngushëllohemi, theksoi ai, me faktin që jemi parti Popullore Europiane, ne duhet ët jemi parti popullore në Shqipëri në radhë të parë.
Duhet të shpallim qartë se jemi partie e parë properëndimore dhe nuk kemi e nuk do të kemi kurrë moskuptim me partnerët perëndimorë, duhet të dëshmojmë se jemi partnerët e parë të perëndimit në këtë tokë”. /tesheshi.com/
