Para sulmeve serbe, Hamëz Jasharit nuk i ishte trembur syri nga forcat serbe.
Në një deklaratë të rrallë që e kishte dhënë para se Prekazi të sulmohej nga serbët, Hamza thoshte se do ta mbronin Kosovën edhe me sopatat e druve.
“S’kemi ku me shku na këtu do ta bajmë vdekjen. Këtu ku të parët tonë kanë jetu prej ilirëve e pellazgëve, këtu edhe ne do ta bëjmë vdekjen. Kurrë nuk do ta lëshojmë. Do të përgjigjemi me aq sa kemi mundësi, kemi sopatat e druve”, thoshte Hamëz Jashari.
Ai i përmend fëmijët, por deklaronte se edhe nëse Evropa i hap dyert ata nuk do ta lenin Kosovën.
“S’kem ku shkojmë po e shihni sa fëmijët i kemi. Edhe Evropa le t’i hap dyert ne nuk do ta lëshojmë”, ishin fjalët e Hamëz Jasharit para sulmeve serbe. /tesheshi.com/
