Kryeministri Rama e konsideroi si të “pashpjegueshme” vrasjen e 25-vjeçarit Klodian Rasha nga një efektiv policor në terrin e natës, mesnatën e së hënës.
Gjatë një fjalëmbajtje nga kryeministra lidhur me ngjarjen, Rama se drejtësia duhet pritur të bëjë detyrën e vet për zbardhjen e gjithçkaje ç’ka ndodhur.
“Efektivi ka vrarë një njeri në mënyrën pa të shpjegueshme pa u lidhur me ndonjë operacion në atë vend dhe në atë orë. Pavarësisht faktit, arma ishte e shtetit dhe ndjesa i takon shtetit.
Ndëshkim ligjor të autorit i ka kaluar duarve të drejtësisë dhe do të gjykohet nga organet në paanësi të plotë. Është krejt i paarsyetueshëm por drejtësia ka fjalën e fundit. Sado i madh është padurimi, drejtësia ka nevojë për të hetuar gjithçka. Drejtësia ka nevojë të dëgjojë edhe atë”, tha Rama.
Shefi i qeverisë tha se ishte befasuar nga qëndrimi dhe fjalët e të atit të Klodianit, gjatë një vizite ngushëlluese në shtëpinë e tij, pas kthimit nga SHBA.
“Sapo kam shkuar në familjen e të ndjerit jam prekur pa masë. ‘Asnjë lule e vetme nuk do të prekte në Tiranë në emër të tim biri. Ne duam drejtësi jo zhurmë politike’”, mësohet t’i ketë thënë Qazim Rasha.
Për Ramën, ajo çfarë ka ndodhur nuk është fryma e Policisë së Shtetit, por një rast i izoluar. Për këtë, ai solli në kujtesë se ç’farë kanë përballuar forcat e rendit gjatë gjithë këtyre viteve, duke veçuar Ina Nukën, policen që iu këputën gishtat nga protestat para parlamentit, apo një efektiv që rrezikon të humbasë shikimin, i goditur nga protestuesit një natë më parë.
Dhe, në qasjen politike të çështjes, Rama tha:
“Presidenti i Republikës është i parafundit që duhet të hapë kamarën e gojës për sjelljen e policisë së shtetit. Kurrë nuk e ka thënë një fjalë të vërtetë solidariteti, por se është një prej shembujve më të këqij për sjelljen shtetërore dhe institucionale.
I fundit që duhet të flasë është kryetari kukull i opozitës, Lulzim Basha. Ai është shembulli i pafuqisë karakteriale. Është ministri i masakrës së 21 janarit ku u vranë katër protestues krejt paqësorë”. /tesheshi.com/
