“Ç’na ndodhi ne, mos i ndodh askujt”, është thënë nga të afërm të Klodian Rashës, të riut 25-vjeçar, i cili u qëllua dhe mbeti i pajetë nga plumbat e një polici mesnatën e së martës.
Të njëjtën gjë ka thënë dhe njeriu që e qëlloi, Nevaldo Hajdaraj, efektivi që doli para trupës gjykatore për masën e sigurisë. Ai tha se do donte ta kishte para familjen e të ndjerit për t’i kërkuar falje publike.
“Merrni çfarë mase të doni, unë kam vrarë një njeri. Gjithçka ka ndodhur në ora 01.9 min për 4 ose 5 min ka qenë situata. Kam njoftuar sallën operative dhe kemi kërkuar përforcime për një njëri të dyshimtë. Kjo që ka ndodhur me mua s’do ja uroja askujt në jetë”, mësohet të ketë thënë Hajdar nën pranga.
Më parë, ngjarja është cilësuar si e “pashpjegueshme” nga kryeiministri Rama, i cili qe në shtëpinë e të ndjerit Klodian Rasha për ndjerë e ngushëllime.
Politikisht, jetëhumbja e Klodian Rashës ka rindezur dhe njëherë opozitën në reagimet e saj ekstreme, pasi që nga Tirana e në rrethe, po shfaqen skena dhune ndaj institucioneve si dhe zjarrvënie të llojeve të ndryshme. /tesheshi.com/
