Kryeministri Rama i dha të kuptuar Skënder Gjiinushit se jo politika por jeta akademike është ajo që i shkon më përshtat.
Në një aktivitet në Akademinë e Shkencave, kryetar i së cilës është matematicieni edhe me njohje ndërkombëtare Skënder Gjinushi, me emrin e së cilit njihet një teoremë, Rama tha se nga mënyra se si kjo Akademi po drejtohej, ia kishte bërë të dashur këtë institucion jo fort të dashur për të.
“I dashur Skënder, modestisht më lejo të komplimentoj për këtë takim që sipas meje është edhe një ngjarje më në fund për t’u shënuar në jetën e gjatë dhe me plot tatëpjeta dhe të përpjeta të kësaj Akademie.
Në një habitat që të rri më së miri pas trupi si një kostum i qepur për merak, të jam mirënjohës për faktin se në një kohë të shkurtër arrite të më shpëtosh edhe mua nga alergjia për Akademinë e Shkencave.
Ju e dini që nuk është sekret që Akademia e Shkencave dhe unë s’kemi pasur një marrëdhënie të mira…”, tha Rama.
Aty, në aktivitet, u dhanë 17 tituj të rinj akademikë.
Rama tha gjithashtu se te Gjinushi po kishte dhe shenja të tjera të mira.
“Për herë të parë, Gjinushi nuk më ka uruar fitoren e zgjedhjeve, pavarësisht se është i kënaqur se unë kam fituar.
Ka menduar edhe për ata që janë mërzitur, që janë pakicë.
Për herë të parë në historinë tij është bërë më pakicën. Nuk besoj se ka detaj më domethënës.
Kur u arrit depolitizimi me Skënder Gjinushin e ardhmja është e sigurt”, tha Rama. /tesheshi.com/
