Ndërsa partitë e mëdha zakonisht e hapin fushatën zgjedhore në salla të mëdha, FJALA ka zgjedhur një mënyrë krejt tjetër, pra pa shumë zhurmë.
Të mbledhur në sheshin “Zahir Pajaziti” në Prishtinë, së bashku e kandidatët për deputetë, kreu i kësaj partie Gëzim Kelemendi tha se subjekti që ai udhëheq do të zhvillojë fushatën ndryshe nga partitë e tjera, duke mos organizuar tubime me qytetarë.
Kjo për arsye se siç tha Kelmendi, qytetarët janë lodhur nga tubime të tilla me premtime boshe.
Në hapje të fushatës u tha se kandidatët e Fjalës do të takohen me qytetarët individualisht.
Sipas Kelmendit, FJALA në programin e saj ka tri pika kryesore që njëherësh janë edhe gjithëpërfshirëse, e ato janë: zhvillimi ekonomik, sundimi i drejtësisë si dhe lufta kundër krimit të organizuar dhe korrupsionit.
Ndryshe, FJALA në këto zgjedhje do të garojë me 110 kandidatë. /tesheshi.com/
