CERN – Organizata Evropiane për Kërkime Bërthamore, ndërpreu bashkëpunimin me një shkencëtar italian i cili tha se fizika ishte vetëm për burrat dhe se gratë po gjenin vende në këtë industri vetëm për shkak të një debati mbi barazinë gjinore.
Të premten, kjo organizate kishte një seminar në Gjenevë, ku u ftua Alessandro Strumia, një shkencëtar italian nga Universiteti i Piza-s.
Disa shkencëtarë që morën pjesë në këtë seminar menjëherë ndanë deklaratat e tij seksiste në rrjetet sociale.
AFP shkruan se ai nuk ishte në seminar, por agjencia kishte një pasqyrë në prezantimin e Strumia-s në të cilën ai thotë se meshkujt janë gjithnjë e më të diskriminuar në fushën e fizikës.
Ai shpjegon rolin gjithnjë e më të rëndësishëm të grave në punët e lidhura me fizikën vetëm në prirjen e rregullimit të çështjeve gjinore, e jo në aspekt të kualifikimet e tyre.
Prezantimi i tij kishte titullin: “Fizika është shpikur dhe ndërtuar nga burrat”.
“Fizika nuk është seksiste ndaj grave, por e vërteta nuk është e rëndësishme, sepse është një luftë politike nga jashtë”, ka thënë Strumia.
CERN, i kryesuar nga italian Fabiola Gianotti, tha në një deklaratë se “paraqitja e shkencëtarit ishte tronditëse”. /tesheshi.com/
