Fituesja e çmimit Nobel për Paqen, Malala Yousafzai po viziton për herë të parë Pakistanin që prej kohës kur u qëllua nga militantët talibanë. Tashmë në moshën 20-vjeçare, Yousafzai është shndërruar në një aktiviste të njohur të të drejtave të njeriut. Ajo u qëllua me armë në kokë nga talibanët ndërsa fushatonte për arsimimin e vajzave në vitin 2012.
Vajza pritet të ketë takime me kryeministrin e Pakistanit, ndërsa detajet e udhëtimit janë mbajtur sekret për shkak të ndjeshmërisë që mund të zgjojë në vend.
Televizioni shtetëror pakistanez transmetoi pamje ku duket se shfaqet Malala me prindërit e saj në aeroportin ndërkombëtar nën masa të rrepta sigurie.
Udhëtimi pritet të zgjasë katër ditë dhe Malala shoqërohet nga zyrtarë të fondit Malala, raportoi media lokale. /tesheshi.com/
