“Fitorja” që po i koston Bashës: masakrim pas një pohimi

Shtohen nga zërat nga opozita që rrëzojnë versionin e Bashës, sipas së cilit ai fitoi Lokalet e 2011-ës në Tiranë duke mundur Ramën.

Ndaj, ky i fundit s’është fare nevoja të reagojë për një ndër zhvillimet më të diskutueshme në politikën shqiptare: një ndryshim rezultati zgjedhor në tavolinë.

Sipas Ylli Manjanit, Basha madje ka qenë gati të pranonte humbjen dhe pa mbarruar gara.

“Përveç të tjerëve (Saliut, Ilirit dhe pse jo Hysniut) Bashkinë e Tiranës në 2011 Luli e mori me VAR (Vendimet e Arben Ristanit).  Ndërkohë që Luli donte të dilte të pranonte humbjen pa mbaruar gara…

Në katandisjen mjerane ku ka rënë, është e kuptueshme nevoja për të gënjyer, por mosmirnjohja është  e neveritshme! Nejse, kohë e humbur ky njeri”, shkruan Manjani, në ato kohë në LSI.

Basha do deklaronte dy ditë më parë se ai e mundi Ramën në 2011-ën, pasi shmangu Berishën në fushatë. Më herët, për këtë reagoi dhe ish-presidenti Nishani.

“Gënjeshtari kongjenital po thotë se ka fituar në 2011, Bashkinë e Tiranës, pa Berishën !

Si drejtues i shtabit elektoral për Tiranën, atë botë, më bezdiste deri në nervozizëm tek shikoja se si gjatë gjithë ditës, L. Basha i kërkonte S. Berishës ta udhëzonte, ti tregonte e ti mësonte edhe detajet më elementare për axhendën ditore dhe tezat e fushatës.

Ky nuk është thjesht qesharak, jo vetëm gënjeshtar kongjenital por një parazit politik me një kosto të madhe për të gjithë ne”, shkruan Nishani. /tesheshi.com/