Mali i Zi rindaloi kampionatin e futbollit pasi virusi koronar u konfirmua në një lojtar të Buducnostit nga Podgorica, ndërsa rezultatet e anëtarëve të tjerë të klubit janë ende në pritje. Gjithashtu, në 24 orët e fundit, 47 të infektuar të rinj janë regjistruar në vend, i cili qe i pari në Europë që javë më parë shpalli fundin e epidemisë pas disa ditesh me zero raste..
“Ndeshjet u shtynë pasi u shqiptua një masë e izolimit prej 14 ditësh për lojtarët, stafin profesional dhe punonjësit e FK Buduçnost për shkak të një rezultati pozitiv të testit COVID-19 me një lojtar të ekipit. Vendimet e mëtejshme në lidhje me vazhdimin e garës së ligës së futbollit do të bëhen javën e ardhshme”, u njoftua nga Shoqata e Futbollit të Malit të Zi.
Sipas njoftimeve të mediave, virusi ka hyrë edhe në basketboll malazez me disa raste infeksionesh.
Në Mal të Zi, 339 njerëz janë infektuar me virusin e koronës që nga mesi i qershorit, katër prej të cilëve kanë vdekur. Në valën e parë të epidemisë, nga mesi i marsit deri në fillim të majit, shteti regjistroi nëntë viktima dhe gjithsej 324 raste.
Sipas shefit të stafit mjekësor të krizës, Ranko Lazoviç, në spitalet në tërë Malin e Zi janë 54 persona të shtruar, prej të cilëve 28 janë në Qendrën Klinike, institucioni më i madh mjekësor, e dy prej të cilëve në rrezik për jetën. /tesheshi.com/
