Duke lëvizur me automjete të zbukuruara me flamuj shqiptarë, qytetarët e Prishtinës festuan të premten në mbrëmje fitoren e Zvicrës ndaj Serbisë në Kupën e Botës në Katar.
Kosovarët festuan fitoren e Zvicrës, pasi aty protagonistë janë Xherdan Shaqiri dhe Granit Xhaka, shqiptarë nga Kosova. Përveç në Prishtinë, është festuar edhe në Prizren, Mitrovicë e qytete të tjera.
Gëzim ka shprehur edhe presidentja Vjosa Osmani, duke shkruar “Bravo Shqiptarë” në Facebook, bashkë me një foto të dy futbollistëve.
Edhe kryeministri i Kosovës, Albin Kurti, në Facebook ka shkruar “Serbia nuk po kalon, urime Zvicrës!”.
Zvicra mposhti Serbinë me rezultat 3:2 në xhiron e fundit të Grupit G në Botërorin e Katarit dhe kështu u kualifikua në turin tjetër.
Por takim kishte një sfond ethesh nacionaliste, pasi ngjante me një përballje Kosovë-Serbi. /tesheshi.com/
