Kalifornianët nisën fushatën e tyre në media për largimin e Kalifornisë nga Shtetet e Bashkuara të Amerikës. Në fund të votimit të hidhur për kalifornianët pas fitores së Donald Trump dhe humbjes së Hillary Clinton, një pjesë e madhe e tyre po lobojnë në mediat sociale.
Hashtagu #Calexit po kthehet në trend në Twitter, duke imituar Brexit dhe daljen e Britanisë së Madhe nga Bashkimi Europian. Ata janë bashkuar me fjalët e kapitalistit Shervin Pishevar: “Nëse Trump fiton, lajmëroj që tani se do të kërkoj dhe do të loboj për largimin e ligjshëm të Kalifornisë nga SHBA-ja dhe krijimin e shtetit të pavarur”.
Ai dhe shumë të tjerë e kanë cilësuar Kaliforninë si vendin e gjashtë me ekonominë më të madhe në botë dhe me ndikim në arenën ndërkombëtare. “Do kërkojmë të drejtën tonë ligjore”, – thonë ata.
