Fitues i Çmimit Nobel në Letërsi, Wole Soyinka, është larguar nga Shtetet e Bashkuara pas fitores së republikanit, Donald Trump.
Nigeriani ishte shprehur përpara zhvillimit të zgjedhjeve se nëse do të fitonte Trump, ai do të largohej nga SHBA dhe në këtë mënyrë ka mbajtur premtimin e bërë. Lajmi ka bërë bujë vetëm disa ditë më parë në mediat botërore, pasi nobelisti u pyet gjatë një konference edukative në Johanesburg.
Në fjalën e tij, Soyinka është shprehur se aktualisht e kishte përmbyllur procesin e shpërnguljes.
“Kam bërë atë që premtova më herët. Pata një vegim horror në lidhje me atë që do të ndodhte me Trump në krye të vendit. Gjëja e parë që bëra ishte heqja dorë nga karta e gjelbër. Pas kësaj jam shpërngulur dhe jam kthyer atje ku kam qenë gjithmonë”, u shpreh autori i mirënjohur duke nënkuptuar se tashmë po jetonte në vendin e tij të lindjes në Nigeri./tesheshi.com/
