LSI ka tentuar t’ja zhbëjë Lulzim Bashës fitoren e pretenduar ndaj Edi Ramës në Lokalet e majit 2011. Siç dihet, pasi Rama i fitoi zgjedhjet në kuti me 10 vota diferencë, edhe pse i vetëm përballë një aleancë PD-LSI-Parti Komuniste, më tej, në tavolinë, në KQZ-në kryetar Arben Ristanin që më vonë do bëhej deputet dhe Sekretar i Përgjithshëm i PD-së, rezultati u kthye në favor të Bashës edhe me nonsens arithmetik.
Basha e serviri si fitore një ditë më parë, me tezën se nëse largohet Berisha (pretendoi se e kish mbajtur larg ato zgjedhje), ai mund ta mund Ramën e pamundur për t’u mundur.
Por nga aleatja e tij atëkohë, LSI, i kujtohet se ajo fitore e pretenduar ka patur vulën e kësaj force. Është Erisa Xhixho ajo e cila rendit tre çelësat që sollën fitoren e Bashës për Bashkinë e Tiranës, ku në çelësin e tretë, si padashje, veçon votat që ia dhuroi Ristani.
“Tre çelesat e fitores të z.Basha në Bashkinë e Tiranës në 2011:
1-23 mijë votat e LSI për ty që kurrë si meritove.
2-1500 votat që Hysni Milloshi ia hoqi Edi Rames si aleat i LSI dhe i regjistruar prej saj .
3-50 votat që t’i mbrojti Arben Ristani si Kryetar i KQZ”, shkruan Erisa Xhixho. /tesheshi.com/
