Prokurori i Përgjithshëm i SHBA William Barr u dërgoi një letër prokurorëve federalë duke i autorizuar ata të hetonin “pretendimet e vërtetuara të parregullsive zgjedhore dhe regjistrimin e votave”, por duke u kërkuar atyre që të mos hetojnë akuzat “e nxituara ose të tensionuara”.
Selia zgjedhore e Presidentit të tanishëm Donald Trump ngriti të hënën një proces gjyqësor duke kërkuar të parandalonte konfirmimin e fitores së Joe Biden në Pensilvani, raporton Reuters.
“Unë ju jap autoritetin për të hetuar akuzat e bazuara për parregullsi zgjedhore dhe numërimin e votave përpara se të konfirmoj rezultatet e zgjedhjeve, gjë që unë kam bërë tashmë në raste specifike,” shkroi Barr në një letër për prokurorët federalë dhe drejtorin e Byrosë Federale të Hetimit (FBI).
Një proces në Pensilvani
“Ndërsa akuzat serioze duhet të hetohen me shumë kujdes, spekulimet, akuzat e nxituara ose të tensionuara nuk duhet të jenë baza për fillimin e hetimeve federale,” shkroi Barr.
Por asgjë në letër nuk sugjeron që Ministria e Drejtësisë identifikoi parregullsi në votim që mund të kishin ndikuar në rezultatin e zgjedhjeve.
Trump nuk e njeh rezultatin e zgjedhjeve edhe dy ditë pasi kandidati demokrat siguroi 270 votat e kërkuara të elektoratit që i duhen për të fituar.
Stafi i tij dhe republikanët kanë ngritur padi për parregullsi të pretenduara, të cilat gjyqtarët në Xhorxhia dhe Michigan tashmë i kanë hedhur poshtë.
Një proces gjyqësor u ngrit në një gjykatë federale në Pensilvani të hënën, pasi stafi i Trump pretendoi se në këtë shtet është shkelur Kushtetuta, sepse ishte krijuar një “sistem i paligjshëm zgjedhor i dyfishtë”, sipas të cilit votimi në qendrat e votimit i nënshtrohet kontrolleve më të mëdha sesa votimit postar.
Procesi gjyqësor do të vendoset nga gjyqtari Mattheë Brann, i cili u emërua nga ish-Presidenti Barack Obama.
Takimi i zgjedhësve më 14 dhjetor
Në Shtetet e Bashkuara, një kandidat për zgjedhje bëhet president kur ai ose ajo siguron shumicën e votave të elektoratit, i cili zakonisht hedh votën e tij për kandidatin që fitoi shumicën e votave në shtetin e tyre.
Një takim elektoral do të mbahet në 14 dhjetor.
Barr i dërgoi letrën prokurorëve disa orë pasi u takua me udhëheqësin e shumicës republikane të Senatit, Mitch McConnell, i cili tha të hënën se Trump ka të drejtë të hetojë pretendimet e “parregullsive” në zgjedhjet e javës së kaluar. /tesheshi.com/
