Ángel León, i njohur edhe si “shefi i detit”, ka sjellë në receta të ndryshme një përbërës të ri që quhet fitoplankton (një mikro-organizëm vegjetal me prejardhje nga mikroalgat, por që nuk duhet ngatërruar me zooplanktonin, ushqimin e balenave).
Në vitin 2014, shoqata Fitoplancton Marino ka arritur të marrë çertifikatën nga Bashkimi Europian për ta tregtuar në formë pluhuri.
Por përse dhe si mund të përdoret ky përbërës i ri?
Fitoplanktoni përmban shumë elementë të domosdoshëm për organizmin, si hekur, kalcium, fosfor, jod, magnez dhe kalium. Përmban gjithashtu omega 3 dhe omega 6, vitaminën B12, C dhe E. Të gjithë ata që janë alergjikë nga peshku apo frutat e detit si dhe veganët dhe vegjetarianët, mund ta përdorin pa problem.
Mund të përdoret në gatimet me oriz si dhe për beshamelë. Për momentin është ende një produkt eksperimental. Mund të gjetet dhe online në formë pluhuri që duhet shkrirë në ujë para përdorimit. Çmimi? Më mirë mos ta dini! /tesheshi.com/
