Kampionati italian i futbollit ka nxjerrë thuajse të gjitha ndeshjet “drejt”, nëse flasim me gjuhën e pritshmërive.
Napoli u kthye tek fitorja pas barazimit me Inter, duke shënuar rezultatin 2-3 në fushën e Xhenovas. Dris Mertens sërish protagonist me 2 gola.
Fiton bindshëm edhe Juventus, që më në fund mund t’i gëzohet sulmuesve. 4-1 kanë fituar bardhezinjtë në shtëpi, ku kanë shënuar Bernardeski, Dibala, Higuain dhe Kuadrado.
Më në fund ka fituar edhe Milan, që mundi 1-4 Kievon në Veronë. Suso, autogol, Calhanoglu dhe Kaliniç, i kanë shpëtuar “lëkurën” trajnerit Montela.
Nuk i ndahet fitoreve radhazi edhe Lacio, që fiton 1-2 në fushën “e bezdisshme” të Bolonjës, ku protagonist në të mirë e në të keq, bëhet Luliç, që shënon gol dhe autogol. Milinkoviç-Saviç ishte autor i golit tjetër lacial.
Roma ka bërë detyrën në shtëpi, pavarësisht se një lojë disi “kaps”, ku penalltia e shndërruar në gol nga Peroti, i dha e pikët.
Napoli rikthehet në krye të klasifikimit me 28 pikë, Inter e ndjek me 26, pastaj Lacio e Juventus në kuotën e 25 pikëve. /tesheshi.com/
