Ka qenë tejet social Myftiu i Kosovës Naim Tërnava, në fjalëmbajtjen e tij për Fiter Bajram.
Kleriku më i lartë musliman i Kosovës, ka vënë “gishtin në plagë” duke mos mbetur vetëm tek shpirtërorja apo etikja e besimtarëve.
“Të mos e lëmë, të mos largohemi, të mos migrojmë, por të punojmë për ditë më të mira të atdheut tonë. Fjalët e mia do të doja të dëgjohen si thirrje për të gjithë ne, për popull e qeveri, të reflektojmë në të mirën dhe për të mirën e atdheut, t’u krijohen mundësi të reja për punësim rinisë tonë, në mënyrë që ata të mos e marrin botën në sy, që tek ne të rinjtë tanë të mos fitohet përshtypja se ky vend është i pa perspektivë e fatin e tyre për jetë më të mirë të mendojnë se mund ta gjejnë vetëm duke u larguar nga Kosova por edhe trojet tona tjera shqiptare”, tha Ternava.
Ndryshe nga Shqipëria, Kosova vijon t’i falë namazin e Bajrameve në kushte xhamie. /tesheshi.com/
