Fjalimin për Fiter Bajram, kreu i Bashkësë Islame të Kosovës, Myftiu Naim Tërnava, e ka shfrytëzuar dhe për të bërë një rezyme të situatës në disa vende islame e përgjithësisht të muslimanëve në rrafshin global.
Pasi e ka cilësuar atë “në krizë”, Myftiu Tërnava e ka adresuar përgjegjësinë tek dashakaqet sipas tij, njerëzit e shitur siç ka thënë tekstualisht, të cilët kanë mbjellë farën e urrejtjes mes besimtarëve dhe cenuar imazhin paqësor të Islamit.
“Dashakeqët e njerëz të shitur, duke përdorur strategji të ndryshme, arritën të fusin në mesin tonë njerëz të cilët në emër të fesë së pastër islame mbollën paqartësi e urrejtje në mesin besimtarëve, duke i shndërruar dhe keqinterpretuar parimet e pastërta dhe të drejta islame në teza jo reale. Islami është i pastër nga çdo gjë e ligë që i mveshet; edhe sot nga ky vend i shenjtë u themi të gjithëve se një rrugë të vetme ka, e ajo është rruga e paqes, harmonisë dhe e respektit në mes njerëzve. Askush nuk ka mundësi që ta bëjë veten të dashur te Allahu në ndonjë rrugë tjetër”, tha ai.
Më pas Tërnava u ka përcjellë një mesazh dhe njerëzve të politikës në Kosovë.
“Në këtë ditë të festës apeloj me urtësinë e zemrës tek të gjithë faktorët politikë e institucionet e vendit që të lejnë anash interesat partiake, personale e grupore dhe të angazhohen seriozisht në ruajtjen e unitetit veprues në të mirë të vendit e popullit, sepse para vetes kemi shume sfida e shumë punë, që vendin ta bëjmë ashtu siç e dëshirojmë”, tha kreu i BIK-ut. /tesheshi.com/
