Mes Shqipërisë dhe firma turke që prodhon “Bayraktar”-ët e famshëm u firmosë marrëveshjen për blerjen e një flote të dronëve pa pilot, teknologjia më e lartë e fluturimeve për misione ushtarake, policore dhe civile.
Siç është thënë më herët, këto dronë do të jenë në funksion të sigurisë kombëtare, të luftës kundër krimit e kultivimit të paligjshëm të hashashit, të emergjencave civile, mbrojtjes së territorit dhe mbledhjes së informacioneve gjeohapësinore.
Kryeministri Rama falenderoi Presidentin Erdogan për këtë zhvillim, duke thënë se ai ka qenë vendimtar. “Erdogan ka qenë thelbësor në këtë proces sepse ne të gjithë e dimë kur vjen fjala për mjetet pa pilot, dronët siç njihen sot nuk ka të bëjë vetëm me të pasurit e parave, por ka të bëjë edhe me faktin që të jesh i aftë, që të kalosh edhe të shtysh në radhë se radha është shumë e gjatë dhe nga ana tjeter është fakti i të qenit në në anën e duhur”.
“Jemi shumë krenare që së bashku me Turqinë dhe presidentin Erdogan të jemi nga ana e duhur, të rreshtuar në aleancën më të madhe ushtarake atë të NATO-s dhe të jemi të rreshtuar në një partneritet mjaft strategjik midis nesh dhe Turqisë”, theksoi Rama.
Siç u informua prej tij, vetë kompania turke “do trajtojnë 30 shqiptarë do të përzgjidhen me shumë kujdes”.
Dronët e famshëm turq do të vendosen në në bazën ajrore të Kuçovës.
Fjala është për tre sosh.
“Tre dronët që do të vijnë do të jenë të armatosur dhe të gatshëm për çdo rast, kur dhe ku shpresoj të mos ndodhë kurrë, por nuk jetojmë në kohë shumë të sigurta. Ato do të jenë gati edhe për një gamë të plotë aktivitetesh që do të jenë dobiprurëse për mirëqeverisjen në vendm për sundimin e ligjit në vend, për sigurimin e pronave në vend kështu edhe për personat që për shkak të situatave të emergjencave civile mund të jenë të rrezikuar.
Dronët do na ndihmojnë që të monitorojmë trafikun, që të ndjekin personat e kërkuar, do t’i shërbejnë edhe policisë edhe për të monitoruar territorin dhe të arrijnë kapacitete të fjalës së fundit për të luftuar përdorimin e narkotikëve, zjarret në pyje, lufta kundër ndërtimeve të paligjshme shfrytëzimit të pronave në dëm të pronës publike”, theksoi Rama. /tesheshi.com/
