Çështja e qerasë për studentët është një problem në të gjithë botën. Por nuk kanë munguar asnjëherë zgjidhjet origjinale. Shpeshherë, zgjidhja ka të bëjë me aftësinë e studentëve për t’u përshtatur. Ndërsa në këtë rast bëhët fjalë për një zgjidhje efikase të riciklimit të materialeve ekzistuese.
Firma Urban Riger ka ideuar disa shtëpi të lëvizshme lundruese të menduara për studentët. Shtëpitë bëhet duke shfrytëzuar kontenierë të përdorur. Ideja i lindi themeluesit të firmës, kur ai vendosi ta dërgonte të birin në universitet por çmimet e qerave ishin shumë të shtrenjta.
Prandaj, ai vendosi t’i hynte punës për të gjetur një zgjidhje të këtij problemi për të birin dhe bashkëmoshatarët e tij.
Pas një studimi paraprak, ata vendosën të përdorin kontenierët si skelet bazë pasi ishin zgjidhja ideale me një kosto të ulët.
Secili modul është i përbërë nga tre kontenierë e mund të mbajë 12 studentë. Një kujdes i veçantë i është kushtuar izolimit termik dhe akustik, për të cilin është përdorur një lloj xheli i bërë nga NASA.
Strukturat janë ta pajisura edhe me panele diellore dhe një lavanderi, e cila kontrollohet me anë të një aplikacioni. /tesheshi.com/
