Ish-kryeministri Fino, aaktualisht deputet, u kërkoi kolegëve të tij socialistë që të “mos e falin” Metën por ta shkërkojnë atë si president. Me qëndrim të hapur kundër që Meta të këshillohet e të mos shkarkohet, Fino kujtoi se prej kreut të shtetit, mazhoranca është quajtur “grup kriminal”.
“Presidenti na tha grup kriminal. Sot nuk mund të përgjigjemi si grup kriminal i marrë peng nga presidenti. Prandaj ju ftoj që të reflektojmë përpara se cështja të votohet në seancë. Ne kemi dy opsione ose pro ose kundër, por jo rezoluta. Me gjithë këto që janë bërë këtu, besoj që njollosim veten tonë”, tha Fino në mbledhjen e Komisionit Hetimor për Metën.
“Përfytyroni si do të ishte Shqipëria nëse vendi nuk do të kishte zhvilluar zgjedhje lokale, shikoni Shkodrën, një kryetar bashkie votohet për 4 vite dhe sot ne kemi kryetarë bashkie që vijojnë mandatin për shkak të mosdekretimit të zgjedhjeve nga Presidenti.
Nuk e di sa do të vazhdojë, këtë e dini ju, që thoni se shkelja nuk është aq e rëndë për ta shkarkuar”, arsyetoi Fino. /tesheshi.com/
