Partia Socialdemokratike finlandeze, e cila kryeson qeverinë e koalicionit pesëpalësh, ka zgjedhur ministren e Transportit Sanna Marin si kryeministren e re, e cili do të marrë përsipër detyrën javën e ardhshme pas dorëheqjes së Antti Rinne.
Marin, 34 vjeçe, do të jetë personi më i ri që do të shërbejë si kryeministre e Finlandës, e thekson këtë fakt Reuters, referuar vendit nordik.
Kjo na kujton faktin se Shqipëria ka patur dy sosh në moshën e saj,të cilët kanë marrë një përgjegjësi të tillë, duke qenë dhe pak të vegjël: Pandeli Majko e Ilir Meta, ku njëri u bë kryeministër 32 vjeç e tjetri 31 vjeç.
Në fillim të javës së kaluar, Rinne dha dorëheqjen pasi partia e tij tha se kishte humbur besimin në të për një seri grevash.
“Shumë punë po presin që ne të rindërtojmë besimin. Ne kemi një program të qeverisë së përbashkët që mban koalicionin së bashku,” u tha Marin gazetarëve pas një votimi të ngushtë nga udhëheqja e partisë. /tesheshi.com/
